Mid Februarie 2016 het dit begin reën oor dele van die somersaaigebiede. In die meeste gebiede was dit te laat vir die aanplant van grane. Tog is daar steeds tyd vir die aanplant van voere om vir die komende winter voorsiening te maak. Eenjarige weidings soos voersorghums, voersorghum hibriede, sorghum X soedan hibriede en selfs tef (en tef-mengsels) kan oorweeg word. Plant sorghum cultivars wat ‘n fyn struktuur het en smaaklik is. Praat met ‘n plaaslike saadhandelaar oor die beste cultivars wat u nou kan aanplant. RSG Landbou se Dr. Chris Viljoen het met Dr. Louis du Pisani oor hierdie onderwerp gesels.